Për herë të dytë është shtyrë nisja e procesit të gjykimit për inceneratorin e Elbasanit me 10 të pandehur dhe dy kompani, përkatësisht “Albetec Energy” dhe “Integrated Energy”. Shkak është bërë mungesa e njoftimit zyrtar të Jonida Zeqos, anëtare e Komisionit të Vlerësimit të Ofertave.
Pavarësisht se Zeqo ndodhet nën masën arrestit shtëpiak për herë herë të dytë autoritetet nuk e gjejnë në adresën përkatëse të bërë të njohur prej saj në Gjykatë.
Prokurorët e çështjes Klodian Braho dhe Arben Kraja kërkuan shtyrjen e seancës për njoftimin zyrtar të Zeqos dhe pezullimin e afateve të paraburgimit për personat e arrestuar.
Nga Interpo Tirana, deri në fillim të këtij muaj, për Stela Gugalljan dhe Mirel Mërtirin ka patur informacione për lokalizimin e tyre në Austri.
Ministria e Drejtësisë ka kërkuar ekstradimin, por deri më 5 prill, nuk një informacion nga austriakët nëse është pranuar kërkesa.
Më 30 mars, në GJKKO ishte planifikuat seanca e parë e gjykimit në themel, por edhe ajo dështoi për të njëjtat shkaqe, ku përveç mosnjoftimit të Zeqos, u bë mungesa e dy avokatëve, përkatësisht i Etleva Kondit, e cila ishte e pranishme, dhe avokati i kompanisë “Albtec Energi shpk”.
Ish-sekretari i Përgjithshëm i Ministrisë së Mjedisit, Alqi Bllako dhe ish-ministri Lefter Koka nuk kanë marrë pjesë në asnjërën prej seancave.
Të pandehur për inceneratorin e Elbasanit janë, Lefter Koka, Alqi Bllako, Mirel Mërtiri, Klodian Zoto, Stela Gugallja, Pëllumb Abeshi, Etleva Kondi, Jonida Zeqo , Bardhyl Çabiri, Serafin Papa. Nga këta prapa hekurave qëndrojnë Lefter Koka, Alqi Bllako, Pëllumb Abeshi dhe Byrdhyl Çabiri. Ndërsa në arrest shtëpie qëndrojnë Jonida Zeqo, Etleva Kondi e Serafin Papa. Në kërkim janë tre administratorët e inceneratorit Klodian Zoto, Mirel Mërtiri e Stela Gugallja.